Total views : 406119
भक्तपुर । बिहिबार भक्तपुरको गट्ठाघरमा ट्राफिक प्रहरीले चेकजाँचका लागि रोकिराखेको स्कुटरलाई ठक्कर दिँदा एक महिलाको घटनास्थलमै ज्यान गएको छ । बा ४९ प ८९४४ नम्बरको स्कुटर ट्राफिक प्रहरीले रोकेर चेकजाँच गरिरहेको थियो। तर ना ६ ख २१७३ नम्बरको ट्रकले एक्कासि ब्रेक लगाउँदा स्कुटरलाई करिब २० मिटर घिसारेको हो ।
ट्राफिकले लुकेर चेकजाँच गरेको र ट्रकले एक्कासि ब्रेक लगाउँदा दुर्घटना निम्तिएको भन्दै अहिले त्यहाँ ठूलो संख्यामा जम्मा भएर सर्वसाधारणले विरोध गरिरहेका छन् । दुर्घटना स्थलमा तनाव भएकाले प्रहरीले थप प्रक्रिया सुरु गर्न नसकेको भक्तपुरका प्रहरी प्रवक्ता डीएसपी राजन कार्कीले बताउनुभयो ।
भीडकै कारण ट्रकले घिसारेर किचिरहेको शव निकाल्न लगिएको क्रेन पनि फर्काइएको छ । सडक रगताम्य छ। अहिले त्यहाँ जम्मा भएको भीडले प्रहरीको विरोध गरिरहेको छ । यस क्रममा केही सवारीसाधनमा तोडफोडसमेत गरिएको छ । प्रहरीले अवस्था नियन्त्रण गर्ने प्रयास गरिरहेको छ ।
गठ्ठाघर चोक नजिकै ट्राफिक प्रहरीको चेकिङ्को अवस्थामा स्कूटि चालक महिलाले स्कूटि साइड लगाउँदा पछाडिबाट तीव्र गतिमा आएको ट्रकले ठक्कर दिएको र ठक्कर पश्चात उनलाई लगभग ५० मिटर जति अगाडि घिसारेर लगेको थियो । आक्रोशित भीडले ट्राफिक प्रहरीहरुलाई कुटपिट गर्नुको साथै ट्रक पनि तोडफोड गरेका छन् । बाटो अहिले पुरै बन्द रहेको छ ।
भिडियो लिन्कमा हेर्नुहोला :
