Total views : 305736
काठमाडौं । राति ८ बजेपछि काठमाडौं उपत्यकाभित्र बिहीबारदेखि अत्यावश्यक बाहेक सवारी साधन गुड्नलाई रोक लगाइएको छ ।
जिल्ला प्रशासन कार्यालयको निर्णय अनुसार हिजो बिहीबार ठुलो संख्यामा काठमाडौँका तीनै जिल्लामा प्रहरी खटाइएको थियो । प्रहरीले ८ बजेपछि आवश्यक बाहेक अनावश्यक रूपमा सार्वजनिक सवारी लिएर हिँड्ने मानिस भेटिएमा मात्र कारबाहि गर्ने बताएको छ ।
जिल्ला प्रशासन कार्यालयले कोरोना संक्रमण बढेको समयमा होटेल, रेष्टुरेष्ट लगायत सवारी साधनमा मानिस लिएर भिडभाड गरेको भन्दै ८ बजेपछि सवारी साधनमा रोक लगाएको थियो । निर्माण ढुवानी, अत्यावश्यक सवारी, बिरामी कुरुवा, सुरक्षाकर्र्मी लगायतका सवारीलाई भने रोक नलगाइएको बताइएको छ ।
