Total views : 357782
भक्तपुर । बुधबार कालीमाटी फलफूल तथा तरकारी बजारमा तने बोडीको भाउ २७ प्रतिशत बढेको छ । अघिल्लो दिन औसत ८५ रुपैयाँ प्रतिकिलोमा कारोबार भएको तने बोडी आज औसत १०८ रुपैयाँ पुगेको छ, भने अधिकतम मूल्य प्रतिकिलो १२० रुपैयाँ छ ।
घिउ सिमी, कन्य च्याउ केही महँगिएको छ । स्कुस, रायो साग, तोरीको साग केही घटेको छ । तिते करेला, लौका, परवर, चिचिण्डो, पाकेको फर्र्सी, हरियो फर्र्सी लगाएत अधिकांश तरकारीको भाउ स्थिर छ ।
कालीमाटी फलफूल तथा तरकारी बजार विकास समितिका अनुसार बुधबार नेपाली ठूलो गोलभेँडा प्रतिकिलो अधिकतम ६० रुपैयाँ छ । प्याज प्रतिकिलो १३० रुपैयाँमा कारोबार भएको छ । कालीमाटीमा रातो आलु प्रतिकिलो ७२, स्थानीय गाजर ११०, बन्दा ६०, स्थानीय काउली १२०, लाम्चो भन्टा ४०, डल्लो भन्टा ५० रुपैयाँ प्रतिकिलोमा कारोबार भएको छ ।
घिउ सिमी १००, टाटे सिमी ८०, तिते करेला प्रतिकिलो ८० रुपैयाँ छ । लौका ६०, परवर ६०, चिचिण्डो ४०, घिरौंला ७० रुपैयाँमा कारोबार भएको छ । डल्ले च्याउ ४८०, कुरिलो ४५०, कन्य च्याउ २०० तथा ब्रोकाउली १८० रुपैयाँ प्रतिकिलोमा कारोबार भएको कालीमाटी फलफूल तथा तरकारी बजार विकास समितिले बताएको छ ।
बुधबार कालीमाटी बजारमा तरकारी भाउदर ः
