Total views : 351252
जन आवाज न्युज/भक्तपुर । स्थानीय पर्यटन विकास गरी रोजगारीको अवसर सिर्जना गरौं भन्ने मुल नाराका साथ चाँगु- नगरकोट पदयात्रा कार्यक्रम २०८१ सम्पन्न भएको छ ।
शुक्रबार नेकपा (एमाले) जिल्ला कमिटीको वडा केन्द्रित ३ महिने अभियान अन्तर्गत र नगरकोट भ्रमण वर्ष २०८२ प्रर्वधनको लागि चाँगु-नगरकोट पदयात्रा कार्यक्रम २०८१ चाँगुनारायण वडा नम्बर ४ को हजार सिडिबाट तेलकोट हुँदै नगरकोट १५ कि. मि. को पदयात्रा गरेको हो ।
नेकपा एमाले भक्तपुर जिल्ला अध्यक्ष वचन देउजाका अनुसार नगरकोट भ्रमण वर्षको प्रचार गर्ने उदेश्यले भक्तपुरलाई देश विदेशमा चिनाउनुका साथै जनताको घर दैलोमा गएर जोडिनको लागि पनि पदयात्राको आयोजना गरेको बताउनुभयो ।
भक्तपुरको पर्यटकीय गन्तव्य स्थलको रुपमा परिचित नगरकोट पद यात्राको माध्यमद्वारा आफ्नो जिल्लामा कस्तो कस्तो ठाउँ रहेछ भन्ने कुरा बुज्ने अवसर पनि भएको जानकारी दिनुभयो ।
उक्त पदयात्रामा बागमती प्रदेशका स्वास्थ्य मन्त्री किरण थापा मगर, नेकपा एमालेका पोलिटब्युरो सदस्य, पूर्वमन्त्री महेश बस्नेत र नेकपा एमाले केन्द्रिय कमिटी सदस्य सोम मिश्र, नेकपा एमाले केन्द्रिय सल्लाहकार परिषद सदस्य सरस्वती बाटि लगाएतको उपस्थिति रहेको थियो ।
