Total views : 355255
जन आवाज न्युज/भक्तपुर । सूर्यविनायक नगरपालिकाले आफ्नो ९ औं स्थापना दिवस मनाएको छ । मंगलबार कटुन्जे स्थित आफ्नै नव निर्मित भवनमा ९ औं स्थापना दिवस मनाएको हो ।
कार्यक्रममा नगर प्रमुख बासुदेव थापा र उप प्रमुख सरिता तिम्सिना भट्टराईले केक काटेर ९ औं स्थापना दिवस मनाइभ्को ।
उक्त कार्यक्रममा नगरपालिकाका नगर प्रमुख बासुदेव थापाले अनन्तलिङेश्वर नगरपालिका र सुर्यविनायक नगरपालिका मिलेर बनेको यस नगरपालिका सबैको साथ सहयोग प्राप्त भएर सम्भव भएको बताउनुभयो । माघ १४ गते सम्माननिय प्रधानमन्त्री केपी शर्मा ओलीले नगरपालिकाको भवन उत्घाटन गरे पश्चात अहिले नगर बासीहरुलाई नयाँ भवनबाट छिटो र छरितो सेवा उपलब्ध गराउन सजिलो भएको थापाले बताउनुभयो ।
यसैगरी स्थापना दिवसको अवसरमा प्रमुख प्रशासकीय अधिकृत तारा नाथ लुइँटेल, वडा अध्यक्ष, वडा सदस्य, कार्यपालिका सदस्य तथा नगरपालिकामा कार्यरत कर्मचारीहरुको उपस्थितिमा कार्यक्रम सम्पन्न भएको थियो ।
