Total views : 296048
जन आवा न्युज/भक्तपुर । सोमबार गैर सरकारी संस्था महासंघ नेपाल जिल्ला शाखा भक्तपुर र मध्यपुर थिमी नगरपालिकाको संयुक्त आयोजनामा गैरसरकारी संस्थाहरुले भोग्नुपरेका समस्या र चुनौती तथा लागू औषध नियन्त्रण सम्बन्धी अन्तरक्रिया साथै बधाई तथा शुभकामना कार्यक्रम सम्पन्न भएको छ ।
कार्यक्रममा मध्यपुरथिमी नगरपालिकाका प्रवक्ता तथा वडा नम्बर ३ का वडाध्यक्ष कृष्ण हरि आचार्यको प्रमुख आतिथ्यतामा सम्पन्न भएको थियो ।
कार्यक्रममा प्रहरी उपरीक्षक सुकदेव पौडेलले लागू औषधका विषयमा प्रस्तुतिकरण गर्नुभएको थियो ।
यसैगरी मध्यपुथिमी नगरपालिकाका सामाजिक विकास शाखा प्रमुख ज्ञानेन्द्र भट्टले मध्यपुर थिमी नगरपालिकामा भएका गैससहरूको अवस्थाबारे प्रस्तुतिकरण गर्नुभएको थियो ।
यसैगरी गैसस भक्तपुरका रमेश गिरीले गैससहरूका समस्या तथा चुनौतीका बारेमा प्रस्तुतिकरण गर्नुभएको थियो । कार्यक्रममा गैसस केन्द्रमा हालै निर्वाचित भएका पदाधिकारीहरुलाई बधाई तथा शुभकामना पनि दिइएको थियो ।
यस्तै कार्यक्रमको सभापतित्वमा अनिता पाण्डे, अतिथिहरूमा गैसस केन्द्रका अर्जुन कुमार भट्टराई, प्रहरी निरीक्षक शुकदेव पौडेल, नेपाल पत्रकार महासंघका अध्यक्ष सुन्दर शिल्पकार, मध्यपुर थिमी नगरपालिकाका सामाजिक विकास शाखा प्रमुख ज्ञानेन्द्र भट्ट, गैसस केन्द्रका उपमहासचिव किरण थापा, भवराज रेग्मी, सचिव जजराज शाही, सदस्य विष्णुदेवी रावल तथा केन्द्रीय सदस्य तथा बागमती प्रदेश इन्चार्ज पहलमान श्रेष्ठ लगाएतको उपस्थिती रहेको थियो ।
