Total views : 351292
जन आवाज न्युज/भक्तपुर । वरिष्ठ पत्रकार भैरव रिसालको निधन भएको छ । आइतबार दिउँसो बिरामी परेपछि बानेश्वरस्थित फ्रन्टलाइन अस्पतालमा उपचारका लागि भर्ना गरिएका रिसालको राति पौने ८ बजे निधन भएको उहाँका माइला भाइ पुरू रिसालले बताउनुभयो ।
९७ वर्षीय पत्रकार रिसाल पञ्चायतकालदेखि पत्रकारितामा सक्रिय रहनुभएको थियो । राष्ट्रिय समाचार समितिमा लामो समय काम गरेका रिसाल राससबाट प्रमुख संवाददाताका रूपमा अवकाश पाएपछि वातावरण पत्रकारिता र रेडियो सगरमाथामा सक्रिय रहनुभएको थियो ।
यसैगरी जयतु संस्कृतम आन्दोलनमा पनि सक्रिय रहनुभएका पत्रकार रिसालले आफ्नो देहावसानपछि शरिर मेडिकल अध्ययन प्रयोजनका लागि दान दिने घोषणा गर्नुभएको थियो रिसालले शरीर दान गर्नुभएकोले पाटन स्वास्थ्य विज्ञान प्रतिष्ठानमा लैजाने बाताइएको छ ।
पत्रकार रिसालको जन्म भक्तपुरको सुर्यविनायक नगरपालिका दधिकोटमा भएको थियो । पत्रकार रिसाल पछिल्लो समय काठमाडौंकाे अनामनगरमा बस्दै आउनुभएको थियो । शरीर दान गरेकाले उहाँकाे अन्त्यष्टी कार्यक्रम नहुने पुरू रिजालले जानकारी दिनुभयो ।
