Total views : 351326
काठमाडौँ । छैटौं एनभीए क्लब च्याम्पियनसिप भलिबलमा साबिक विजेतार रहेको महिलातर्फ विभागीय टोली एपीएफ क्लबले ढोरपाटन स्पोट्र्स क्लबमाथि सोझो सेटको नतिजा निकाल्दै विजयी हुन सफल भएको छ ।
उक्त खेल दशरथ रंगशालास्थित राष्ट्रिय खेलकुद परिषद्को कभर्डहलमा भएको थियो । मंगलबार भएको सो खेलमा एपीएफले २५–११, २५–७, २५–१३ ले सेट जितेर ३ अंक जोडेको थियो । यसैगरी न्यु डायमन्ड एकेडेमीले एभरेस्ट भलिबल ट्रेनिङ सेन्टरलाई २५–६, २५–५, २५–१३ को सेटमा हराएको थियो ।
पुरुषतर्फको खेलमा भने, गण्डकी प्रदेशले मणिमुकुन्द क्लबलाई ३–२ सेटमा हराउन सफल रह्यो । प्रतिस्पर्धात्मक उक्त खेलमा भारतीय खेलाडीसम्मिलित गण्डकीले पहिलो २६–२४ र दोस्रो सेट ३६–३४ ले आफ्नो पक्षमा पारेता पनि मणिमुकुन्दले तेस्रो २५–१८ र चौथो सेट २७–२५ ले जितेर खेलमा पुनरागन गर्न सफल रह्यो ।
ख्ेलमा हेलप नेपालले प्रदेश २ लाई ३–० को सोझो सेटमा हराउदैं अघिल्लो दिन वाग्मतीलाई हराएको हेल्प नेपालले मंगलबारभने, प्रदेश २ माथि २५–२१, २५–१७, २५–१६ को नतिजा निकालेरु समूह ‘ए’ मा हेल्प नेपाल र गलकोट स्पोट्र्स क्लब समान ६ अंकका साथ नकआउट चरणमा रहेका छन् ।
इता खेलको समूह ‘बी’ मा पुलिस ६ अंकसहित शीर्षस्थानमा छ भने, गण्डकीको ५ अंक रहेकोले दुवै नकआउट चरणको यात्रा तय गरेका छन् ।
