Total views : 345029
जन आवाज न्युज/भक्तपुर असार,२ गते । सुर्यविनायक नगरपालिका गुण्डु वडा नम्बर-७ मा रहेको श्री ज्योति माध्यमिक विद्यालयको ३८औं वार्षिक उत्सव आइतबार भव्यताका साथ सम्पन्न भएको छ ।
कार्यक्रमका अवसरमा २०४४ साल असार १ गते विद्यालय स्थापना गर्नुहुने स्थानीय शिक्षाविद तथा समाजसेवीहरुको साथै स्कुललाई निरन्तर रुपमा जुझारु नेतृत्व प्रदान गर्नुहुने संस्थापक प्रधानाध्यापक कृष्णलाल न्हेमाफुकि व्यवस्थापन समितिका पूर्व अध्यक्षहरू र विद्यालयका प्रधानाध्यापक मिलन कायष्थ एवं सम्पूर्ण शिक्षकहरू विद्यालयलाई सहयोग गर्ने सम्पूर्ण स्थानीय बासीहरू तथा सबै विद्यार्थीहरुलाई सुर्यविनायक नगरपपालिका वडा-७ का अध्यक्ष एवम् नगर प्रवक्ता रविन्द्र सापकोटाले धन्यवाद तथा शुभकामना व्यक्त गर्नुभयो ।
उक्त कार्यक्रममा विद्यालयलाई आागामि वर्ष कक्षा ११ मा समेत पठन पाठन गर्ने गरि याेजना निर्माण गरिएको अध्यक्ष सापकोटाले बताउदै स्कुलको यस कार्यमा सराेकारवाला सबैकाे सहयाेगकाे अपेक्षा गरेको समेत बताउनुभयो ।
कार्यक्रममा प्रमुख अतिथी सुर्यविनायक नगरपालिकाका प्रमुख बासुदेव थापाले स्कुलले गरेको प्रगतीप्रती सन्तुष्ट व्यक्त गर्दै शिक्षाको गुणस्तरमा ज्योती माविले जुन उल्लेखनीय भुमीका निभाएको बताउनुभयो । विद्यालयको समग्र बिकास निर्माणको काममा पहिला जस्तै अहिले पनि नगरपालिका साथ र सहयोग रहिरहेने प्रतिवद्द्ता समेत व्यक्त गर्नुभयो ।
हाल श्री ज्योति माध्यमिक विद्यालयमा छात्र र छात्रा गरि कुल ५,५३ जना विद्यार्थीहरु अध्ययनरत छन् ।
