Total views : 376399
जन आवाज न्युज/भक्तपुर । भक्तपुरको दधिकोटको तर्खगालबाट सिधै काठमाडौंको रत्नपार्कसम्म विद्युतीय (EV) माइक्रो बस सेवा सञ्चालन हुने भएको छ।
यस सेवाका लागि चखुँतीर्थ दधिकोट यातायात प्रा.लि. गठन भइसकेको छ। समितिका उमेश मानन्धरका अनुसार सम्भवत: यही महिनाभित्र पहिलो चरणमा ११ वटा EV माइक्रो बसमार्फत सेवा सुरु गर्ने तयारी गरिएको छ।
यसअघि यही रुटमा चल्ने गाडीहरू थिमीसम्म मात्र सञ्चालन हुने भएकाले दधिकोटका यात्रुले काठमाडौं पुग्न थिमीमा गाडी फेर्नुपर्ने बाध्यता रहेको थियो। नयाँ सेवा सुरु भएपछि उक्त समस्या हट्ने र यात्रुलाई सिधै रत्नपार्कसम्म सहज रूपमा यात्रा गर्न सकिने अपेक्षा गरिएको छ।
