Total views : 355740
काठमाडौं । नेपाललाईे दुबईमा जारी एएसबीसी जुनियर तथा युथ ब्वायज एन्ड गल्र्स बक्सिङ प्रतियोगितामा जुनियर ५४ किलो तौल समूहमा छिरिङ वाङ्दीले पदक पक्का गर्न सफल भएका छन् । छिरिङले क्वार्टरफाइनल खेलमा कुवेतका मोहम्मदलाई पराजित गर्दै कांस्यपदक पक्का गरेका हुन् ।
यस्तै उनले कजाकस्तानका अडाल्बेक नियाज्बासँग सेमिफाइनलमा प्रतिष्पर्धा गर्ने भएका छन् । यसै गरी नेपालका दुई जना महिला मुक्केबाजहरू स्वस्तिका तिरुवा र नारीका राईले पनि क्रमश ५२ किलो तथा ५७ किलो तौल समूहअन्तर्गत नेपाललाई कांस्यपदक पक्का गर्न सफल भएका छन् । नेपालका ६ जना सहभागी मुक्केबाजहरूमध्ये हालसम्म ३ जनाले कांस्य पदक जित्न सफल भएका छन् ।
