Total views : 361976
ललितपुर । मानव अधिकार संचार प्रतिष्ठान नेपालको आयोजनामा ललितपुर जिल्लामा क्रियाशिल नागरिक समाज र संघ संस्थाको प्रतिनिधिहरुको उपस्थितिमा निर्वाचन प्रक्रियामा नागरिक समाजको भुमिका विषयक जिल्ला स्तरीय अन्तरक्रिया कार्यक्रम सम्पन्न भएको छ ।
कार्यक्रममा निर्वाचनको क्षेत्रमा कार्यरत विकल श्रेष्ठले निर्वाचन प्रक्रियामा नागरिक समाजको भुमिका किन, कस्तो र कसरी हुनु पर्छ, भन्ने विषयमा प्रस्तुतिकरण गर्नुभएको थियो । कार्यक्रममा गैरसरकारी संस्था महासंघ ललितपुरका अध्यक्ष टिकाराम दाहाल र गोदावरी नगरपालिका वडा नं.६ का वडा सदस्य एंव स्थानीय सभा संयोजक गम्भिर राण लगायतका सहभागिहरुले आफ्नो विचार व्यक्त गर्दै नागरिक समाज र संघ संस्थाले निर्वाचन र मतदाता प्रक्रियामा नागरिकहरुको सहभागिता अभिवृद्धि गर्न र सबैको पहुँच बढाउन चेतना अभिवृद्धि गर्नुपर्ने बताउनुभयो ।
पर्यवेक्षकको रुपमा जिम्मेवारी निर्वाह गर्दै निर्वाचन प्रक्रियामा हुन सक्ने कमि कमजोरीहरुमा पनि आवाज उठाउँनुपर्ने राजनितिक दलहरुलाई पनि सचेत र सहजक गराँउनुपर्ने कुराहरुमा जोड दिनुभएको थियो । उक्त कार्यक्रममा इह्रिकनका कार्यक्रम व्यवस्थापक पंकज राज देवकोटाले कार्यक्रमको उद्देश्यमाथि प्रकाश पार्दै सहभागिहरुलाई स्वागत गर्दै इह्रिकनका अध्यक्ष मीना शर्माको सभाध्यक्षमा कार्यक्रम सम्पन्न भएको थियो ।
