Total views : 351280
काठमाडौं । काबुल विमानस्थलमा अझै १० हजार नागरिक उद्धारको पखाईमा रहेको बताइएको छ । अफगानिस्तानको विमानस्थलमा भेला भएर बसेका उनीहरुलाई सुरक्षित रुपमा उद्धार गर्ने प्रयास भइरहेको अमेरिकाले बताएको छ ।
अफगानिस्तानबाट अमेरिकाले अहिलेसम्म ८२ हजारभन्दा बढीलाई उद्धार गरिसकेको छ । अमेरिकी राष्ट्रपतिको कार्यालय ह्वाइट हाउसले बुधबारसम्ममा ८२ हजार ३०० भन्दा बढी मानिसलाई उद्धार गरिएको जानकारी गराएको हो ।
यस्तै अमेरिकी अधिकारी मेजर जनरल हेक टेलरले उद्धारको पर्खाइमा रहेका सबैलाई सुरक्षित त्यहाँबाट बाहिर निकाल्न आफूहरु केन्द्रित भएको बताउनुभएको छ । अमेरिकाको रक्षा मन्त्रालयले जति सक्दो छिटो काबुल विमानस्थलमा रहेकाको उद्धार गर्ने जनाएको छ ।
