Total views : 370361
काठमाडौं । अन्तराष्ट्रिय क्रिकेट परिषद् आईसीसीले बुधवार त्रिकोणात्मक सिरिजको खेल तालिका सार्वजनिक भएको छ । आईसीसी विश्वकप क्रिकेट लिग २ अन्तर्गत नेपाल, ओमान र संयुक्त राज्य अमेरिकाबीचको त्रिकोणात्मक एकदिवसीय खेलको तालिका सार्वजनिक भएको हो ।
यस्तै खेल तालिका अनुसार नेपालले पहिलो खेल भदौ २८ गते सेप्टेम्बर १३ मा संयुक्त राज्य अमेरिकासँग खेल्ने भएको छ । त्यस्तै दोस्रो खेलमा नेपालले आयोजक राष्ट्र ओमानसँग भदौ २९ गते सेप्टेम्बर १४ मा प्रतिस्पर्धा गर्ने भएको छ । त्यस्तै तेस्रो खेलमा नेपालले संयुक्त राज्य अमेरिकासँग असोज १ सेप्टेम्बर १७ मा प्रतिस्पर्धा गर्नेछ । यस्तै चौथो खेल असोज ३ सेप्टेम्बर १९ मा नेपालले ओमानविरुद्ध खेल्ने तालिका रहेको छ ।
सिरिजका लागि १७ खेलाडी सहित २२ सदस्सीय टोली ओमान पुगिसकेका छन् । ओमानमा गरिएको नेपाली टोलीको पीसिआर टेस्टको रिपोर्ट पनि नेगेटिभ आइसकेको छ । लिग २ सिरिज अघि नेपालले पपुवा न्युगिनी पीएनजीसँग दुई मैत्रीपूर्ण खेल खेल्ने तालिका रहेको छ । नेपाल र पीएनजीबीचको खेल भदौ २० र २३ सेप्टेम्बर ५ र ८ मा खेलिने भएको छ । ओमान प्रस्थान गर्ने टोलीहरुमा ज्ञानेन्द्र मल्ल कप्तान, कुशल भुर्तेल, आरिफ शेख, दीपेन्द्रसिंह ऐरी, आशिफ शेख, गुलशन झा, कुशल मल्ल, विनोद भण्डारी, करण केसी, सन्दीप लामिछाने, सोमपाल कामी, अविनाश बोहरा, सुशन भारी, शरद भेषवाकर, विक्रम सोब, पवन सर्राफ र रोहितकुमार पौडेल रहेका छन् ।
