Total views : 347546
काठमाडौं । घुस लिएको आरोपमा विमानस्थलमा कार्यरत प्रहरीका असई र जवान पक्राउ परेका छन् । उनीहरुलाई काठमाडौंको बौद्ध बस्ने एक महिलासँग घुस लिएको आरोपमा पक्राउ गरिएको हो ।
असई सञ्जीव बस्नेत र जवान सुरज खड्कालाई प्रहरी वृत बौद्धबाट खटिएको टोलीले पक्राउ गरेको हो ।
महानगरीय प्रहरी परिसर काठमाडौंले दिएको जानकारी अनुसार केन्द्रीय प्रहरी विशेष कार्यदल, कपनमा दरबन्दी भएका बस्नेत र खड्का विमास्थलमा कार्यरत रहेका थिए । उनीहरुले बौद्धकी एक महिलालाई तपाईसँग लागु औषध रहेको सुचना पाएको बताउदैं पैसा नदिए पक्राउ गर्ने भनेर ९० हजार घुस लिएको प्रहरीको प्रारम्भिक अनुसन्धानबाट पत्ता लागेकोे बताइएको छ ।
पक्राउ गरिएका प्रहरी कर्मचारीमाथि थप अनुसन्धान भईरहेको र उनीहरुलाई विभागीय कारवाही गरिने महानगरीय प्रहरी परिसर काठमाडौंले जानकारी दिएको छ ।
