Total views : 344451
काठमाडौं । नयाँ बुटवल सबस्टेसन निर्माणका लागि एमसीए-नेपालले सम्झौतामा हस्ताक्षर गरेको छ । लुम्बिनी प्रदेशको नवलपरासी जिल्लामा रहेको पहिलो ४०० केभी विद्युत् सबस्टेसनको एमसीए-नेपालको हस्ताक्षर समारोहमा अमेरिकी राजदूत थम्पसन आज सामेल हुनुभएको थियो।
उहाँसँग स्थानीय प्रतिनिधि सहित प्रमुख जिल्ला अधिकारी, नेपाल विद्युत प्राधिकरणका प्रबन्ध निर्देशक कुलमान घिसिङ, एमसीसी-नेपाल बोर्डका सदस्यहरु, एमसीसी र एमसीए-नेपाल टोली सहभागी हुनु भएको थियो । एमसीए-नेपाल र लिंकसन इन्डिया प्रालिबीच सबस्टेसन निर्माणको सम्झौता भएको थियो।
कार्यक्रममा राजदूत थम्पसनले नयाँ बुटवल सबस्टेसनले नेपालको प्रसारण क्षमतामा सुधार ल्याउने, नेपाली घर परिवार, नेपाली व्यावसायिक तथा औद्योगिक क्षेत्रका लागि भरपर्दो र सस्तो विद्युत् उपलब्ध गराउने र नेपालको क्रस बोर्डर बिजुली व्यापारमा योगदान पुर्याउने बताउनुभएको थियो ।
