Total views : 348036
काठमाडौं । आज बसेको सर्वदलीय बैठकमा प्रमुख प्रतिपक्ष दल नेकपा एमालेले पुन अवरोध गरेको छ ।
भदौ २३ गतेबाट लगातार अवरोध हुँदै आएको बैठक आज बिहिबार पनि प्रतिनिधि सभाको नवौँ अधिवेशन अन्तर्गतका बैठकहरुमा निरन्तर अवरोध भइरहेको छ ।
आज बसेको बैठकमा सभामुख अग्निप्रसाद सापकोटाले सभाको बैठक सुचारु भएको जानकारी गराए लगत्तै एमालेका सांसदहरुले अगाडि आएर प्रदर्शन गरेका छन् ।
लगातारको अवरोध पश्चात सभामुख सापकोटाले प्रतिनिधिसभा नियमावली २०७५ को नियम २१ को खण्ड ख, ग र घ का प्रावधानहरु सबै सांसदहरुले पालना गर्न अनुरोध गर्नुभएको थियो ।
एमाले सांसदहरुको विरोधकै बीचमा उहाँले राष्ट्रपतिको कार्यालयबाट अध्यादेश खारेज र विधेयकहरु प्रमाणीकरण भएको कुरा जानकारी गराउनुभयो ।
आजको बैठकमा कानून न्याय तथा संसदीय मामिला मन्त्री ज्ञानेन्द्रबहादुर कार्कीले महालेखा परीक्षकको ५८ औँ वार्षिक प्रतिवेदन २०७८ पेस गर्नुभएको थियो । प्रधानमन्त्री शेरबहादुर देउवाले बैठकमा निरन्तर नाराबाजी गरिरहेको एमालेलाई सहमतीमा ल्याउन भन्दै आज बिहीबार सर्वदलीय बैठक बोलाएता पनि कुनै आधिकारिक जानकारी समेत नगराई एमालेले बैठकमा उपस्थिती समेत जनाएन ।
