Total views : 373717
काठमाडौं । प्रधानन्यायाधीश चोलेन्द्र शमशेर जबराले बोलाएको बैठक १ बजे बस्ने बताइएको छ ।
उक्त बैठकमा सर्वोच्च अदालतका न्यायाधीशहरुको पूर्णबैठक फुलकोर्ट बोलाइएको हो । प्रधानन्यायाधीश जबराले मन्त्रिपरिषद्मा भाग खोजेको समाचार लगातार मिडियामा आइरहेपछि न्यायाधीशहरुको पूर्ण बैठक बस्न लागेको बताइएको छ ।
सो बैठक सर्वोच्च अदालतका प्रवक्ता बाबुराम दाहालका अनुसार दिउँसो १ बजेपछि बस्ने बताइएको छ । दसैं बिदाको अवधिमा मुद्दा सुनवाइ गर्ने न्यायाधीशहरुको नाम तय गर्ने लगायतका एजेण्डामाथि छलफल हुने प्रवक्ता दाहालले जानकारी गराउनुभएको छ ।
सर्वोच्च अदालतमा घटस्थापनादेखि नै दसैं बिदा हुने भएकाले बन्दी प्रत्यक्षीकरण लगायतका अत्यावश्यक मुद्दाको सुनुवाइ भने नरोकिने बताइएको छ ।
यसका लागि निश्चित न्यायाधीशलाई जिम्मा दिनुपर्ने भएकाले आज पूर्ण बैठक बस्ने भएको छ ।
