Total views : 376866
जन आवाज न्युज/भक्तपुर । भक्तपुरको आदर्श बस स्टप-५, मा रहेको विद्या आर्जन इङ्ग्लिस स्कुलले बिहिबार दिक्षान्त समारोह २०८२ सम्पन्न गरेको छ।
कार्यक्रममा विद्यार्थी, अभिभावक तथा शिक्षकहरूको उपस्थिति रहेको थियो। बालबालिकाको सिकाइ यात्राको प्रारम्भिक चरण मानिने यस कार्यक्रमले सहभागीहरूमा उत्साह थपेको देखिएको थियो।
कार्यक्रममा विद्यालयका प्रिन्सिपल पुरुषोत्तम ग्वाछाले शिक्षासँगै सह-पाठ्यक्रम गतिविधिको महत्वबारे धारणा राख्दै “लर्निङ बाइ डुइङ” पद्धति प्रभावकारी हुने बताउदै विद्यालयले आधुनिक शिक्षण पद्धति, ग्रेड शिक्षण तथा गतिविधिमूलक सिकाइलाई प्राथमिकता दिएको जानकारी दिनुभयो ।
यसैगरी प्रमुख अतिथिका रूपमा रहेका ISAN अध्यक्ष प्रेम जन थापाले विद्यालयको शैक्षिक तथा सामाजिक योगदानबारेमा बताउनुभयो। ISAN तालिम संयोजक कर्ण बहादुर प्रजापतिले विद्यालयले न्यून शुल्कमा गुणस्तरीय शिक्षा प्रदान गर्दै आइरहेको बताउनुभयो।
