Total views : 355335
एजेन्सी । पाकिस्तानी परमाणु बमका पिता भनेर चिनिने डा. अब्दुल कादिर खानको ८५ वर्षको उमेरमा निधन भएको छ । उनी कोभिड सङ्क्रमणका कारण अस्पतालमा भर्ना गरिएको बताइएको छ ।
पाकिस्तानलाई परमाणु हतियार भएको विश्वको पहिलो इस्लामिक देश बनाउन गरेको योगदानका लागि उनलाई राष्ट्रिय नायक मानिदै आएको छ । साथसाथै उनीमाथि उत्तर कोरिया र इरानलाई परमाणु हतियारका गोप्य जानकारी दिएको आरोप पनि लगाइदै आएको छ ।
प्रधानमन्त्री इमरान खानले ट्वीट गर्दै पाकिस्तानले राष्ट्रिय विभूति गुमाएको बताउर्दैं हामीलाई परमाणु हतियार राज्य बनाउन उनले महत्वपूर्ण भूमिका खेलेका कारण हाम्रो देशले उनीलाई माया गर्छ । एक्यू खानका नामले चिनिने उनले इस्लामाबाद नजिकै कहुटामा पाकिस्तानको पहिलो परमाणु केन्द्र स्थापना गर्न महत्वपूर्ण भूमिका रहेको बताइदै आएको छ ।
सन् १९९८ मा पाकिस्तानले पहिलो परमाणु परीक्षण गरेको थियो । भारतले परमाणु परीक्षण गरेको केही समयपछि प्राप्त सफलताले भारतलाई विश्वको सातौँ पारमाणविक शक्ति राष्ट्र बनायो र देशभरि विजयोत्सव समेत मनाइएको थियो । यस्तै सन् २००४ मा उनलाई इरान, लिबिया र उत्तर कोरियालाई गैरकानुनी रूपमा परमाणु प्रविधिबारे जानकारी दिएको आरोपमा गिरफ्तारीमा समेत परेका थिए ।
खानलाई तत्कालीन राष्ट्रपति परवेज मुसर्रफले माफी दिए पनि सन् २००९ सम्म उनी घरमै नजरबन्दमा राखिएको बताइएको थियो ।
