Total views : 355291
काठमाण्डौं । आज संघीय संसद्का दुवै सदनको बैठक बस्ने बताइएको छ । राष्ट्रिय सभाको बैठक दिउँसो १ बजे बस्ने भ्एको छ, भने प्रतिनिधि सभाको बैठक दिउँसो २ बजे बोलाइएको संसद् सचिवालयले जानकारी गराएको छ ।
मङ्गलबार बस्न लागेको राष्ट्रिय सभाको बैठकमा अध्यक्ष गणेश प्रसाद तिमिलिल्सनाले राष्ट्रपतिको कार्यालयबाट प्राप्त मन्त्रिपरिषद्को गठन सम्बन्धी पत्रको व्यहोरा पढेर सुनाउने कार्यसूची रहेको छ ।
प्रधानमन्त्री देउवाले सत्तागठबन्धनका दलहरूलाई समेटेर मन्त्रीपरिषदलाई पूर्णता दिएपछि मन्त्रिपरिषदमा सर्वोच्च अदालतका प्रधानन्यायाधीशलाई समेत भाग छुट्याइएको भन्दै गठबन्धनका दलहरूनै असन्तुष्ट व्यक्त गरेका थिए । असुन्तुष्ट र आलोचना भएपछि उद्योग वाणिज्य तथा आपुर्ति मन्त्री बनेका गजेन्द्र हमालले हिजो नै पदबाटै राजिनामा समेत दिएका छन् । हमाल नातामा प्रधानन्यायाधीश चोलेन्द्र शमशेर राणामा जेठान हुन् । आज बस्न लागेको सो बैठकमा प्रधानमन्त्री शेरबहादुर देउवाले राष्ट्रिय दलित आयोगको वार्षिक प्रतिवेदन २०७७ र ०७८ मधेशी आयोगको वार्षिक प्रतिवेदन २०७७ र ०७८ र मुस्लिम आयोगको वार्षिक प्रतिवेदन २०७६ र ०७७ पेश गर्ने सम्भावित कार्यसूची रहेको बताइउको छ ।
आजै बस्ने बैठकमा विधायन व्यवस्थापन समितिका सभापति परशुराम मेघी गुरूङले अध्यागमन विधेयक २०७६ सम्बन्धी समितिको प्रतिवेदन पेश गर्ने, भौतिक पूर्वाधार तथा यातायात मन्त्री रेणुकुमारी यादवले राष्ट्रिय सभा र प्रतिनिधि सभामा विचाराधीन रहेको रेल्वे विधेयक २०७६ लाई फिर्ता गर्न सभाको सहमतिको लागि प्रस्ताव प्रस्तुत गर्ने सम्भावित कार्यसूची रहेको छ ।
सभामुख र प्रधानमन्त्रीले लगातार सर्वदलीय बैठकमा प्रमुख प्रतिपक्ष दल नेकपा एमालेलाई बोलाए पनि एमालेले सबै बैठक अस्वीकार गर्दै प्रतिनिधिसभाको नवौँ अधिवेशनको सुरूवातदेखिनै अवरोध जनाउदैं आएको छ ।
