Total views : 395569
काठमाडौं, असोज २ गते । विद्यालयमा हुने हिंसा तथा दुर्व्यवहार न्यूनीकरण गर्दै सुरक्षित, सभ्य र मैत्रीपूर्ण शैक्षिक वातावरण निर्माण गर्ने उद्देश्यले ‘विद्यालय हिंसा रोकथाम अभियान सेमिनार’ सम्पन्न भएको छ।
परमेश्वरको मण्डली विश्व सुसमाचार समाजका विद्यार्थी स्वयंसेवक समूह Asez star को आयोजनामा Green Tara Child Haven School, आरुबारी, गोकर्णेश्वर मा आयोजित सेमिनारमा विद्यालयका कोअर्डिनेटर, शिक्षिकाहरू तथा विद्यार्थीहरूसहित करिब १२० जनाको सहभागिता रहेको थियो।
कार्यक्रममा प्रमुख अतिथिका रूपमा विद्यालय कोअर्डिनेटर प्रकाश सिम्खडा सहभागी हुनुभएको थियो। सेमिनारमा विद्यालयमा हुन सक्ने विभिन्न प्रकारका हिंसा, त्यसका असर, हिंसा रोकथामका उपाय तथा विद्यार्थीलाई सुरक्षित र सम्मानजनक वातावरण प्रदान गर्न विद्यालय, शिक्षक, अभिभावक र विद्यार्थीको भूमिकालगायत विषयमा छलफल तथा सचेतनामूलक प्रस्तुति गरिएको थियो।
कार्यक्रमले विद्यार्थीहरूमा हिंसाविरुद्ध सचेतना अभिवृद्धि गर्नुका साथै विद्यालयमा आपसी सम्मान, सहकार्य र सकारात्मक व्यवहारको विकास गर्न महत्वपूर्ण योगदान पुर्याएको आयोजकले जनाएको छ।
कार्यक्रम सम्पन्न भएपछि Green Tara Child Haven School का तर्फबाट विद्यालय हिंसा रोकथाम अभियानमा पुर्याएको योगदान तथा सहकार्यको कदरस्वरूप Asez star लाई Letter of Appreciation प्रदान गरिएको थियो।
आयोजक Asez star ले आगामी दिनमा पनि विद्यालय तथा समुदायमा हिंसा न्यूनीकरण र बालबालिकाको सुरक्षित वातावरण निर्माणका लागि विभिन्न सचेतनामूलक कार्यक्रम सञ्चालन गर्दै जाने जनाएको छ।
