Total views : 259352
काठमाडौं । आज ४६औं संस्करणको युइएफए सुपर कपको फाइनल खेलमा चेल्सी र भिल्लारियल भिड्ने भएका छन् ।
नेपाली समय अनुसार आज बुधबार राति १२ः४५ बजेदेखि प्रारम्भ हुने उक्त खेलमा चेल्सी र भिल्लारियलबीच प्रतिस्पर्धा हुने भएकाे छ ।
सुपर कपको उपाधिका लागि च्याम्पियन्स लिग विजेता र युरोपा लिग विजेताले खेल्न लागेका हुन् । इङ्लिश क्लब चेल्सी गत सिजनको च्याम्पियन्स लिग विजेता बन्न सफल भएको थियो ।उसले सिटीमाथि जीत निकाल्दै उपाधि जितेको थियो । स्पेनको क्लब भिल्लारियल भने यूरोपा लिगको विजेता टिम हो । भिल्लाले म्यानचेस्टर युनाइटेडलाई पेनाल्टीमा १०–११ गोलको जीतसहित उपाधि उचाल्न सफल भएको थियो ।
म्यानचेस्टर क्लबलाई फाइनलमा हराएर उपाधि जितेका दुबै टोलीले आज आयरल्यान्ड सुपर कपको उपाधिका लागि खेल्ने भएका छन् ।
चेल्सीले हालसम्म एकपटक सन् १९९८ मा सुपर कपको उपाधि जितेको छ। त्यसबाहेक चेल्सी तीन पटक फाइनलसम्म मात्र पुगेको छ ।
भिल्लारियल भने सुपर कपको नयाँ टिम रहेको छ ।
