Total views : 344325
काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले ओलीसँगै एमाले पनि सकिने बताउनुभएको छ ।
आज नेपाल पत्रकार महासंघ गण्डकी प्रदेश समितिले आयोजना गरेको पत्रकार भेटघाट कार्यक्रममा बोल्दै एमाले छाड्नेहरुको भविष्य सुरक्षित रहने भएता पनि एमालेमा बस्नेहरुको भविष्य भने नभएको बताउनुभयो । उहाँले अब एमालेलाई टर्च बालेर खोज्नुपर्ने स्थिति आउने समेत बताउनुभयो ।
आज पार्टी कामको शिलशिलामा पोखरा पुग्नुभएका अध्यक्ष नेपालले स्थानीय, प्रदेश र प्रतिनिधि सभाको निर्वाचन एकैपटक गर्न सके खर्च समेत कम गर्न सकिने बताउनुभएको छ । एकैपटक तीनै तहको निर्वाचन गराउन सके राष्ट्रको सम्पति जोगिने बताउनुभयो । अध्यक्ष नेपालले आफ्नो समूह छाडेर एमालेमा बस्ने नेताहरुको हरिबिजोग हुने बताउदै एमालेमा कुनै नीति र विधि नभएको उललेख गर्नुभयो ।
एमाले रहनेहरु निजी कम्पनिको सदस्यका रुपमा रहने बताउदै केपी ओलीप्रति बफादार हुनेहरुको हरिबिजोग हुने बताउनुभयो ।
