Total views : 355273
एजेन्सी । अर्जेन्टाइन फुटबल स्टार लियोनेल मेस्सीले पुनः बार्सिलोनामा प्रशिषकको रुपमा फर्किने चाहेको बताएका छन् । बार्सिलोनामा पुन फर्कदा खेलाडीको रुपमा नभई प्रशिक्षकको रुपमा फर्किन चाहेका बताएका हुन् । अन्तर्राष्ट्रिय सञ्चारमाध्यमहरुले बताएअनुसार बार्सिलोना छाडेको करिब दुई महिनापछि मेस्सीले आफ्नो पुरानो क्लबमा फर्किने विषयमा कुरा गरेका हुन् ।
६ पटकको बालोन डेओर उपाधि विजेता मेस्सीले एक अन्तर्वातामा आफूलाई बार्सिलोनाले अवसर दिएको अवस्थामा फर्किन तयार रहेको बताएका छन् ।
हालै मात्र बार्सिलोनाले टोलीका मुख्य प्रशिक्षक रोनाल्ड कोमेनलाई बर्खास्त गरिएको छ । उनको स्थानमा बार्सिलोनाकै पूर्व खेलाडी रहेका जाभी हर्नान्डेज आउन सक्ने चर्चा चलेको छ । मेस्सीले बार्सिलोनाको लागि २१ वर्ष फुटबल खेल्ने क्रममा उनले आफूलाई विश्वकै उत्कृष्ट खेलाडीको रुपमा उभ्याएका थिए । यसैगरी यो सिजनको लागि भने बार्सिलोनासँग नयाँ सम्झौता नभएपछि मेस्सी पुन पीएसजी नै गएका हुन् ।
