Total views : 355741
एजेन्सी । अमेरिकी अन्तरिक्ष निकाय नासाले पहिलोपटक अन्तरिक्षमा भेडेखुर्सानी उमारेको बताएको छ ।
प्लान्ट ह्याबिटाट–०४ मा उमारेको भेडेखुर्सानीलाई अन्तरिक्षयात्रीहरूले स्वादिलो परिकार बनाएर खाएको फोटो सार्वजनिक गरेका छन् । यस्तै नासाले बताएअनुसार यो भेडेखुर्सानी न्यु मेक्सिकोको सान्डिया खुर्सानी र अन्य प्रजाति मिसाएर बनाइएको हो । अन्तरिक्षमा यसलाई फलाउनु निकै चुनौतीपूर्ण भएको नासाले बताएको छ ।
उक्त खुर्सानी फलाउन र विकसित हुन धेरै समय लाग्ने भएता पनि यसअघि नै नासाले अन्तरिक्षमा पालुंगो समेत फलाइसकेको छ । नासाकी अन्तरिक्षयात्री मेगन म्याकआर्थरले भेडेखुर्सानी भाँचेको अनि त्यसको डिनर खाएको तस्वीर सार्वजनिक गरेकी छन् ।
