Total views : 373548
काठमाडौ । आज प्रेस सेन्टर संखुवासभाले खाँदबारीमा आयोजना गरेको पत्रकार सम्मेलनमा अर्थमन्त्री जनार्दन शर्माले सङ्खुवासभाको किमाथाङ्का नाका व्यवस्थित गरेर संचालन गर्नुपर्ने बताउनुभएको छ ।
उहाँले अरुण करिडोरको निर्माणसँगै चीनसँगको नाका किमाथाङ्कालाई व्यवस्थित गर्नुपर्ने बताउदैं अरुण करिडोरको निर्माणले संखुवासभामा विकासको कार्य गर्न सहज हुने विश्वास व्यक्र गर्नुभयो । यसैगरी संखुवासभामा अथाह प्राकृतिक स्रोत साधन रहेको भन्दै मन्त्री शर्माले त्यसको उपयोगबाट समग्र जिल्लालाई धनी बनाउन मद्दत पुग्ने बताउनुभयो ।
शर्माले व्यापार घाटा कम गर्न सक्ने स्रोत–साधन सङ्खुवासभामा प्रशस्त रहेकाले सरकारले लगानी बढाउने प्रतिबद्धता गर्ने समेत जानकारी गराउनुभयो । यसैगरी अरुणमा जलविद्युत आयोजना निर्माण गर्न सरकारी कम्पनीलाई जिम्मा दिएर काम अघि बढाउन पहल गरिरहेको बताउदै आगामी दिनहरुमा विकासका कार्यहरु तिव्र गतिमा अघि बढ्ने समेत बताउनुभयो ।
