Total views : 405786
भक्तपुर । नेकपा एमालेका केन्द्रीय सदस्य, पूर्वमन्त्री तथा प्रतिनिधिसभाका सांसद महेश बस्नेतले राष्ट्रिय विभूति शंखधर साख्वाःप्रतिष्ठान द्वारा शंखधर चोकमा आयोजित नेपाल संवत ११४२ नयाँ वर्षको शुभकामना आदानप्रदान तथा नेपाल संवतका प्रवर्तक राष्ट्रिय विभूति शंखधर साख्वाःको प्रतिमामा माल्यार्पण समारोहमा बोल्दै प्रधानमन्त्री शेरबहादुर देउवालाई भक्तपुरमा आएको बजेट नकाट्न चेतावनी दिनुभएको छ ।
कार्यक्रममा नेता बस्नेतले भक्तपुरको विकासमा आएको बजेटलाई लिएर राजनीतिक द्वन्द्व नबढाउन प्रधानमन्त्री देउवालाई चेतावनी दिदै उहाँले भन्नुभयो,
विकासको लागि सबै दलको संयुक्त धारणा बनाई अगाडी बढ्नु अहिलेको आवश्यकता रहेको बताउदै नेता बस्नेतले न्यायापालिका, कार्यपालिका तथा व्यवस्थापीकामा देखिएका विकृति र विसंगतिहरुलाई हटाउन सरकारले पहल गर्नुपर्नेमा बताउनुभयो । एक अर्कामा जुधेर, गाली गरेरभन्दा पनि सहकार्य अहिलेको लागि अपरिहार्य रहेको बताउदै एउटा पार्टीले गरेका जनमूखी काम तथा योजनाहरु अर्को पार्टीले हटाउन थालेमा द्वन्द्व सृजना हुने खतरा रहेको बताउनुभयो ।
बस्नेतले भक्तपुरमा ३० वर्ष पछि विकासमा कार्य शुरु भएको बताउदै तीन वटै तहको सरकारले भक्तपुरको विकासमा अतुलनीय योगदान रहेको समेत बताउनुभयो । भक्तपुरमा हनुमन्ते करिडोर, स्मार्ट सिटी, रंगशाला, खेलमैदान, सभागृह, सांस्कृतिक सम्पदाको निर्माण, स्वास्थ्य क्षेत्रको विकास र विस्तार, सडक निर्माण, सुरुङ्मार्ग निर्माणका लागि नेपाल सरकारले बजेट समेत छुट्याएको बताउनुभयो ।
बस्नेतले वर्तमान सरकारलाई आग्रह गर्दै बजेट थप गर्नुहोस् थप गर्न सकिदैन भने, बजेट कटौती नगर्न आग्रह गर्नुभयो । भक्तपुरमा विकासको बजेट अन्र्तगतको ११ वटा सडक काटिएको बताउदै ति सडकहरु जोडिदिन आग्रह गर्नुभयो ।’
