Total views : 296046
काठमाडौं । २०१९ मा मिस युएसएको उपाधि जित्न सफल भएकी अमेरिकी सुन्दरी चेस्ली क्रिस्टले ६० तला माथिबाट हाम्फालेर आत्महत्या गरेकी छिन् । उनले मृत्युभन्दा पहिले इन्स्टाग्राममा मानसिक स्वास्थ्यका विषयमा लगातार आफ्नो कुरा राखिरहन्थिन् ।
मिडिया रिपोर्ट अनुसार चेस्लीले अमेरिकाको स्थानीय समयअनुसार बिहान ७ बजेर १५ मिनेटमा म्यानहट्टनमा संदिग्ध रुपमा आत्महत्या गरेकी बताइएको छ । ६० तले ओरियल बिल्डिङमा उनको ९ औं तलामा अपार्टमेन्ट रहेको थियो । उनलाई पछिल्लो पटक बिल्डिङको २९ औं तलामा देखिएको थियो ।
२०१९ मा चेस्लीले नर्थ क्यारोलिनाको प्रतिनिधित्व गर्दै मिस अमेरिकाको उपाधि जितेकी थिइन । उनी मोडलिङका साथै पेशाले वकिल पनि थिइन् । उनले नर्थ र साउथ क्यारोलिनामा वकालतको अभ्यास पनि गरिरहेकी थिइन् भने, उनी सोसल र क्रिमिनल स्टिस पुन संरचनाको पक्षधर समेत थिइन् । मृत्युभन्दा पहिले उनले इन्स्टाग्राममा ‘यो दिनले तपाइँको लागि आराम र शान्ति ल्याओस भनेर लेखेकी थिइन् ।
पुलिसले उनको घरमा सुसाइड नोट पनि फेला पारेको बताएको छ । नोटमा उनले आफ्ना सबै कुरा आफ्नी आमा अप्रिल सिम्पकिन्सको नाममा गरिदिन भनेकी न् ि। उनले आत्महत्या किन गरिन भन्ने कुरा भने नोटमा नलेखिएको बताइएको छ ।
