Total views : 402197
भक्तपुर । यही बैशाख ३० गते सम्पन्न हुने निर्वाचन नजिकिए सँगसँगै मध्यपुरथिमि नगरपालिकाले हिजोदेखि घरदैलो कार्यक्रम सुरु गरेको छ ।
नेपाल कम्युनिष्ट पार्टी नेकपा एमालेका अध्यक्ष बचन देउजाको उपस्थितिमा नगरपालिकाका उम्मेदवार मेयर मदन सुन्दर श्रेष्ठ, उपमेयर उत्तरा नेपाल, वडा नं.४ का अध्यक्ष बालकृष्ण पात्या श्रेष्ठ, महिला सदस्य रामकेशरी श्रेष्ठ, खुल्ला सदस्य मदन ख्या श्रेष्ठ र शंकरमान श्रेष्ठसहितको टोलिले बालकुमारी मन्दिरको प्रारङ्गणबाट घरदैलो कार्यक्रम सुरु गरेको हो ।
नगरपालिकाको ९ वटै वडाका उम्मेदवारको नाम सार्वजनिक भएसँगसँगै मध्यपुरथिमि नगरपालिकाका उम्मेदवारहरु स्थानीय तहको निर्वाचनको प्रचारप्रसार र घरदैलोको अभियानमा लागेका हुन । सोमबार वडा नं. ४ मा घरदैलो कार्यक्रम गरिएको थियो भने, आज वडा नं. ५ मा गरिएको घरदैलो कार्यक्रममा उम्मेदवारहरुसँगसँगै स्थानीयबासीहरुको पनि उल्लेख्य सहभागिता रहेको छ ।
