Total views : 344441
भक्तपुर । सूर्यविनायक नगरपालिकामा अहिले एमालेको घरदैलो अभियान भव्य रुपमा हुँदै छ । एमाले सरकारको नेतृत्वमा भएको विकास र स्थानीयबासीको बिश्वासले सूर्यविनायक नगरपालिकाभरि नै निर्वाचनको प्रचारप्रसार र घरदैलो अभियानमा एमाले लागेको छ । भोट के मा सूर्यमा ! भन्ने नाराकासाथ वडा नं. ५का उम्मेदवार वडा अध्यक्ष राजकुमार जोशी, महिला सदस्य कमला पोखरेल, दलित महिला सदस्य गीता बिसुन्के, खुल्ला सदस्य मनोज थापा र बासुदेव पोखरेलसहितको टोली आज सुशिला भैरव मन्दिरमा टीका,माला र आशिर्वाद ग्रहण गरेर घरदैलो अभियानमा लागेको हो ।
बिगत ५ वर्ष सूर्यविनायक वडा नं. ५ का वडाअध्यक्ष भएर वडाबासीको मन जितेर विकासका काममा लागि परेका जोशीले स्थानीयबासीको साथ र सहयोग अनि विश्वासका कारण फेरि वडाअध्यक्षमा उम्मेदवारी दिएको बताउँदै निर्वाचनको प्रचारप्रसार र घरदैलो अभियानमा लाग्नुभएको छ ।
