Total views : 406175
काठमाडौं । अरुण काबेली पावरले प्रस्ताव गरेको लाभांश सुरक्षित गर्ने आज अन्तिम दिन रहेको छ । कम्पनीले भदौ २६ गते ११ औं वार्षिक साधारण सभा गर्ने भएको छ भने, भदौ १ गते कम्पनीको सञ्चालक समितिको बैठकले कोभिड महामारीलाई ध्यानमा राखी कम्पनीले भर्चुअल माध्यमबाट सभा गर्न प्रधान कार्यालय ट्रेड टावर, थापाथलीमा विहान ११ बजे सभा गर्ने निर्णय गरेको बताइएको छ ।
यसैगरी कम्पनीले यो वर्ष १७ दशमलव ८९ प्रतिशत बोनस शेयर र कर प्रयोजनका लागि शून्य दशमलव ८९ प्रतिशत नगद लाभांश वितरण गर्ने जानकारी समेत गराएको छ ।
यस्तै कम्पनीले भदौ १५ गतेदेखि २५ गतेसम्म बुक क्लोज गर्ने, भदौ १४ गते श्रीकृष्ण जन्माष्टमीको विदाका कारण शेयर कारोबार नहुने भएकाले भदौ १३ गतेसम्म शेयर कायम गर्ने जनकारी गराएको छ । कम्पनीको १ अर्ब ५८ करोड ५६ लाख ५० हजार रुपैयाँ कम्पनीको चुक्तापूँजी रहेको समेत जानकारी गराएको छ ।
