Total views : 355234
नयाँ दिल्ली । आज भारतले ७५ औं स्वतन्त्रता दिवस मनाएको छ । उक्त अवसरमा दिल्लीस्थित लालकिलाबाट सम्बोधन गर्दै भारतीय प्रधानमन्त्री नरेन्द्र मोदीले भ्रष्टाचार र परिवारवाद देशको सबैभन्दा ठूलो चुनौती भएको बताएका छन् ।
देशका लागि दुई ठूलो चुनौती पहिलो भ्रष्टाचार र दोस्रो चुनौती भाइ भतिजा, परिवारवाद हो मोदीले भने । स्वतन्त्रता दिवसको दिन भारतीय प्रधानमन्त्रीले लालकिलामा झण्डोतोलन गर्नुका साथै देशको नाममा सम्बोधन गरेका छन् । उक्त कार्यक्रममा प्रधानमन्त्रीले आफ्नो योजना, उपलब्धी, चुनौती र समस्याको बारेमा सम्बोधन गरेको भारतीय समाचार इण्डियन एक्स्प्रेसले जनाएको छ ।
।
एकघन्टा २३ मिनेटको सम्बोधनमा उनले आगामी २५ वर्षका लागि देशका लागि पाँचवटा संकल्पको घोषणा समेत गरेका थिए । जसलाई उनले ‘अमृत काल’ भनेर व्याख्या गरेका थिए ।
यस्तै काठमाडौंस्थित भारतीय दूतावासले भने, विभिन्न कार्यक्रमको आयोजना गरेर आज स्वतन्त्रता दिवस मनाएको छ । सो कार्यक्रम भारत स्वतन्त्रताको ७५ वर्षको ऐतिहासिक उपलब्धिलाई सम्झना गर्न भारत सरकारले अघि सारेको आजादीको अमृत महोत्सवको एक हिस्साको रुपमा रहेको राजदूतावासद्वारा जारी विज्ञप्तिमा उल्लेख गरिएको छ । इण्डियन एक्स्प्रेस
