Total views : 358917
भक्तपुर । कालीकोट जिल्लाको रास्कोट नगरपालिकाबाट सदरमुकाम मान्मा जाँदै गरेको ग ३ च ४६१० नम्बरको जिप रास्कोटकै सेरा बसपार्क नजिकै दुर्घटना भएको छ । उक्त दुर्घटनामा २ जनाको मृत्यु भएको छ भने, एक जना गम्भीर घाइते भएको बताइएको छ ।
दुर्घटनामा ४३ वर्षीय मनबहादुर शाही र ३६ वर्षीया मनकुमारी शाहीको मृत्यु भएको जिल्ला प्रहरी कार्यालय कालीकोटले बताएको छ ।
उक्त जिपमा तीन जना सवार थिए । जिप सडकबाट करिब ३०० मिटर तल खसेको छ । जिपमा सवार एक जना भने गम्भीर घाइते भएका छन । जिप मोड्ने क्रममा दुर्घटना भएको हो, भने थप अनुसन्धान भइरहेको जिल्ला प्रहरी कार्यालय कालीकोटले बताएको छ ।
