Total views : 406175
काठमाडौं । पोखरामा सुरु भएको गण्डकी प्रदेशस्तरीय सुरक्षा गोष्ठीलाई सम्बोधन गर्नुहुँदै उपप्रधान तथा गृहमन्त्री नारायणकाजी श्रेष्ठले सुशासनमा चुनौति देखिएको बताउनुभयो ।
पोखरामा शुक्रबारबाट सुरु भएको गोष्ठीमा उहाँले राजनीतिक व्यवस्था फेरिए पनि जनताको अवस्थामा भने परिवर्तन नआएको बताउनसभयो । उहाँले ठूलो त्यागबाट प्राप्त व्यवस्थालाई संस्थागत गर्नुपर्ने कसैलाई पनि राज्यलाई लुट्ने छुट दिन नहुने बताउनुभयो ।
उहाँले देशको आर्थिक समृद्धि मुख्य कार्यभार र सामाजिक न्यायसहितको समृद्धि सरकारको लक्ष्य भएको बताउदैे गृह मन्त्रालय भ्रष्टाचार नियन्त्रण गर्दै सुशासन कायम गर्न लागेको बताउलभयो । साथै सरकारले सहकारीका समस्याबारे नयाँ निर्णय गर्दै सहकारीहरुलाई नियमन गर्ने निकाय तत्काल गठन गरी सहकारी ऐन संशोधनसहित समाधानका उपायहरु अपनाइने उहाँले जानकारी दिनुभयोे ।
आज र भोलि चल्ने उक्त बैठकमा सङ्घीय गृहमन्त्रालय, विभिन्न सुरक्षा निकायका प्रमुख, गण्डकी प्रदेशका ११ वटै जिल्लाका प्रमुख जिल्ला अधिकारी, सुरक्षा प्रमुखहरुको सहभागीता रहेको छ ।
