Total views : 358929
ललिपतुर । ललितपुरको कोन्ज्योसोम गाउँपालिकाले सार्वजनिक सुनुवाइ सम्पन्न गरेको छ । बुधबार वडा न.१ स्थित् चौघरेमा गाउँपालिका अध्यक्ष कृष्णमान लामा, उपाध्यक्ष राजनप्रसाद घिमिरे, प्रमुख प्रशासकीय अधिकृत युवराज आचार्य वडाका वडाध्यक्ष, कार्यपालिका सदस्य, वडा सदस्य, राजनीतिकदलका प्रतिनिधि,कर्मचारी, उपभोक्ता समितिका पदाधिकारी लगायत अन्य व्यक्तिहरुको उपस्थितिमा भव्यरुपमा सार्वजनिक सुनुवाइ सम्पन्न भएको हो ।
स्थानीय सहभागिहरुले गाउँपालिकाले सबै वडामा विकास निर्माणको कामलाई समान रुपमा अगाडि बढाउनुपर्ने, भौतिक विकाससँगै मानविय विकास, शिक्षा, स्वास्थ्य रोजगार, गाउँपालिका र वडा कार्यालयबाट प्रदान गरिने सेवालाई सहज र अझ व्यवस्थित बनाउनुपर्ने लगायतका गुनासो राखेका थिए ।
सहभागिले राखेको प्रश्नको जवाफ दिँदै गाउँपालिका अध्यक्ष लामा र उपाध्यक्ष घिमिरेले सार्वजनिक सुनुवाइमा उठेका सवाललाई गाउँपालिकाले नीतिगत रुपमा सम्बोधन गर्नुपर्ने सुझावलाई नीतिगत रुपमा नै र तत्काल सम्बोधन गर्नुपर्ने सुझावलाई तत्काल कार्यान्वयन गरी गाउँपालिकाको कामलाई अझ बढि प्रभावकारी बनाउने बताउनुभयो । समय मसयमा गाउँपालिकामा नै आएर पनि सेवाग्रँहीले सुझाव प्रदान गर्न सक्न भन्दै गाउँपालिकाका जनप्रतिनिधिले आगामी दिनमा सेवा प्रवाह र विकास निर्माणलाई थप व्यवस्थित बनाउँदै जाने विश्वास दिलाउनुभयो ।
