Total views : 377311
ललितपुर । कोन्ज्योसोम गाउँपालिकाको आयोजनामा संचालित गरिबी निवारणका लागि लघु उद्यम विकास कार्यक्रम अन्तर्गत १२ जना उद्यमीहरुलाई ४५ दिने एड्भान्स सिलाई कटाई तालिम सञ्चालन गरेको छ ।
कोन्ज्योसोम गाउँपालिकाको आयोजना र वडा नं ३ का वडाध्यक्ष तिलकबहादुर भोम्जनको अध्यक्षतामा एड्भान्स सिलाई कटाइ तालिम सञ्चालन गरिएको हो ।
कार्यक्रममा कोन्ज्योसोम गाउँपालिकाका अध्यक्ष कृष्णमान लामाले स्थानीयलाई उद्यमी बनाउन गाउँपालिकाले उद्यमीहरुलाई ४५ दिने एड्भान्स सिलाइ कटाइ तालिम प्रदान गरिएको बताउनुभयो ।
उहाँले गाउँपालिकाले बेरोजगारलाई स्थानीय स्तरमा नै रोजगारी प्रदान गर्ने गरी उक्त तालिम सञ्चालन गरिएको स्पष्ट पार्नुभयो । उहाँले सिलाइ सिकिएपछि उद्यमीलाई उद्यम सञ्चालन गर्न पनि आग्रह गर्नुभयो ।
