Total views : 259303
प्रधानमन्त्री दाहालद्वारा आगलागीबाट पूर्वसचेतता अपनाउन अपिल
काठमाडौ । प्रधानमन्त्री पुष्पकमल दाहाल ‘प्रचण्ड’ले आगलागीबाट हुनसक्ने सम्भावित जोखिमप्रति पूर्वसचेतता अपनाउन अपिल गर्नुभएको छ ।
प्रधानमन्त्री दाहालले सामाजिक सञ्जाल फेसबुकमार्फत एक सन्देश प्रवाह गर्दै आगलागीबाट धनजनको क्षति भएको घटनाले आफूलाई मर्माहत तुल्याएको बताउनु भएको हो ।
प्रधानमन्त्री दाहालले भन्नुभएको छ, ‘भोजपुर लगायत पूर्वी नेपालका पहाडी जिल्लाहरूमा आगलागीबाट धनजनको क्षति भएको घटनाले मर्माहत तुल्याएको छ। घटनाप्रति गहिरो दुख व्यक्त गर्दै आगलागीबाट हुनसक्ने सम्भावित जोखिमप्रति पूर्वसचेतता अपनाउन सम्पूर्ण जनसमुदायमा अनुरोध गर्दछु ।
भोजपुरको हतुवागढी गाउँपालिका वडा नं ७ पात्लेपानीमा भएको आगलागीको घटनामा तीन जना बालबालिकाको मृत्यु भएको थियो । त्यस्तै तेह्रथुम मोरङ, पोखरा लगायतका जिल्लामा पनि आगलागीको घटना भएका छन् ।
