Total views : 376708
ललितपुर । कोन्ज्योसोम गाउँपालिकाले आफ्नै पाठ्यक्रम निर्माण गर्ने भएको छ । गाउँपालिका भित्रका स्थानीय विषयलाई समेटिएर गाउँपालिकाले विद्यालयस्तरमा पठनपाठन गर्नका लागि आफ्नै पाठ्यक्रम निर्माणको गृहकार्य थालेको हो ।
कोन्ज्योसोम गाउँपालिकाको आयोजनामा चैत्र १० गते स्थानीय बिषयको पाठ्यक्रम निर्माण सम्बन्धि एक दिने सरोकारवालासँगको अन्तरक्रिया कार्यक्रम सम्पन्न गरेको छ ।
कार्यक्रममा गाउँपालिका अध्यक्ष कृष्णमान लामा, उपाध्यक्ष राजनप्रसाद घिमिरे, वडा अध्यक्ष लगायत विद्यालयका प्रधानाध्यापक तथा सरोकारवालाहरुको सहभागितामा स्थानीय पाठ्यक्रम निर्माणका सम्बन्धमा छलफल भएको गाउँपालिका उपाध्यक्ष घिमिरेले जानकारी दिनुभयो ।
उहाँका अनुसार स्थानीय पाठ्यक्रममा गाउँपालिका भित्रका धार्मिक तथा सांस्कृतिक सम्पदा, पर्यटकीय स्थल, चाडपर्व ऐतिहासिक तथा पुरातात्विक महत्वका सम्पदा लगायतका विषय समेटिनेछन् ।
