Total views : 223866
भक्तपुर । भक्तपुरमा यहिँ चैत २२ गतेदेखि बैशाख २ गतेसम्म संचालन हुने आठौं भक्तपुर औद्योगीक, व्यापार महोत्सबको स्ट्ल बुकिङ्ग धमाधम भइरहेको छ ।
औद्योगीक शान्ति नेपाल संस्थाका अध्यक्ष सन्दिप महतले औद्योगिक शान्ति नेपाल संस्था र मध्यपुर ब्वाइज ब्याण्ड आयोजक रहने सो महोत्सव भक्तपुरको सल्लाघारीस्थित तीनकुने चौरमा ११ दिनसम्म संचालन हुने जानकारी दिनुभयो ।
उक्त महोत्सवमा २०० भन्दा बढी स्टल रहने बताईएको छ । मेलामा दैनिक जीवनका उपभोग्य सामाग्री, लत्ताकपडा, जुत्ता, हस्तकलाका सामाग्री लगायतको स्टल रहने मेला आयोजक समितिका संयोजक दिपक थापाले जानकारी दिनुभएको छ ।
यस्तै भक्तपुरका चार नगरपालिकामा उत्पादित कृषि, पशुजन्य उत्पादन, हस्तकला, मुर्तीकलालगायत लघू र घरेलु महिलाहरुले संचालन गरेका उद्योगले उत्पादन गरेका सामाग्री भने निःशुल्क रुपमा स्टल राख्न पाउने बताईएको छ । त्यसको लागि नगरपालिकाको कार्यालयबाट एउटा सिफारि अनिवार्य ल्याउनु पर्ने संयोजक दिपक थापाले बताउनुभयो । स्टल निशुल्क एउटा व्यक्ति वा फर्मले एउटा मात्र पाउने सस्थाले जानकारी गराएको छ ।
