Total views : 351267
काठमाण्डौं । नेपालले पपुवा न्युगिनीसँग दुई खेलको एकदिवसीय सिरिज अन्तर्गत दोस्रो खेलमा शुक्रबार प्रतिस्पर्धा गर्ने भएको छ ।
आजको खेल नेपाली समयअनुसार साँझ सवा ४ बजेदेखि ओमानको अल अमिरात क्रिकेट मैदानमा हुने बताइएको छ । दिन र रातमा खेलिने यो खेलमा नेपालले दिन र रातमा खेल्न लागेको यो पहिलो एकदिवसीय खेल रहेको छ ।
आज भइरहेको यो खेलमा नेपालले जित हात पार्दै सिरिजमाथि कब्जा जमाउने प्रयासमा रहने छ भने, यता पपुवा न्युगिनी पनि जित हात पार्दै सिरिज बराबरी गर्ने दाउमा रहेको छ । सिरिजको पहिलो खेलमा नेपाल २ विकेटले विजयी भएको थियो । अहिले नेपाली टोली आइसिसी विश्वकप लिग–२ अन्तर्गत त्रिकोणात्मक सिरिजका लागि ओमानमा रहेको छ ।
नेपालले आयोजक ओमान र अमेरिकासँग सिरिज खेल्नेछ । त्यसैको तयारीस्वरुप नेपालले पपुवा न्युगिनीसँग एकदिवसीय सिरिज खेल्ने भएको हो ।
