Total views : 357225
काठमाडौं । अमेरिकी सहयोग नियोग मिलेनियम च्यालेञ्ज कर्पोरेशन एमसिसीका उपाध्यक्ष फतिमा सुमार र नेकपा एमालेका अध्यक्ष केपी शर्मा ओलीबीच बालकोटमा भेटवार्ता भएको छ । चारदिने भ्रमणका लागि बिहिबार नै नेपाल आएकी फतिमा नेतृत्वको प्रतिनिधिमण्डल ओलीलाई बालकोट स्थित निजी निवासमा भेटेका छन् ।
नेपालको समग्र विकासका लागि चार वर्षअघि भदौमा नेपाल सरकार र एमसिसीबीच मिलेनियम च्यालेञ्ज सम्झौता कम्प्याक्टमा द्विपक्षीय सम्झौता भएपछि एमसिसीबाट यो तहमा पहिलोपटक भ्रमण तथा भेटवार्ता भएको छ ।
एमसिसी सम्झौताअनुसार सडक सञ्जाल, विद्युत प्रसारण लाइन तथा विभिन्न विकास निर्माणका कार्य लगायत नेपालको भौतिक पूर्वाधार विकासका आयोजना कार्यान्वयनका निम्ति अनुदानस्वरूप अमेरिकाबाट रु ५० अर्ब सहयोग प्राप्त हुने भनिएको छ ।
बिहिबार एमसीसी प्रतिनिधिमण्डल र ओलिबीच छलफल भएको छ । ओलीसंगको भेटवार्तापछि फतिमा नेतृत्वको प्रतिनिधिमण्डलले प्रधानमन्त्री शेरबहादुर देउवा, अर्थमन्त्री जनार्दन शर्मा, र ऊर्जा, जलस्रोत तथा सिँचाइमन्त्री पम्फा भुसाल लगायतलाई बेग्लाबेग्लै भेटवार्ता गर्ने कार्यक्रम रहेको बताइएको छ । एमाले अध्यक्ष केपी शर्मा ओलीलाई बालकोटस्थित निवासमा भेटेर फर्किने क्रममा एमसीसीकी उपाध्यक्ष फातिमा सुमारलाई कालोझण्डा देखाउन खोज्ने १५ जनालाई प्रहरीले पक्राउ गरेको छ । फातिमाको टोलीलाई एमसीसीको विरोधमा रहेका समूहले कोटेश्वरमा कालोझण्डा देखाएका हुन् । विभिन्न दल र संगठनमा आबद्ध १५ जनालाई प्रहरीले पक्राउ गरेको जनाएको छ
