Total views : 361889
एजेन्सी । मेक्सिकोको दक्षिण पश्चिम क्षेत्रमा ७ म्याग्नेच्युडको भूकम्प आएको छ । स्थानीय समयअनुसार मंगलबार राति अमेरिकाको युएस जिओलजिकल सर्भेका अनुसार तटिय सहर अकापुल्कोदेखि ११ माइल टाढा केन्द्रबिन्दु बनाएर शक्तिशाली भूकम्प आएको हो ।
भूकम्पको धक्का २३० माइल टाढाको राजधानी मेक्सिको सिटीसम्म महशुस गरिएको बताइएको छ । मेक्सिको सिटीका घरहरू हल्लिन थालेपछि मानिसहरू आत्तिदै सडकमा निस्किएका थिए ।
समाचार संस्था रोयटर्सका अनुसार मेक्सिकोमा केही दिन यता पानी पनि परिरहेको छ । भूकम्पबाट भएको क्षतिको विवरण भने आइनसकेको बताइएको छ । मेक्सिको सिटीसँग जोडिएको रोमा सहरमा बिजुली समेत अवरूद्ध भएको रोयटर्सले बताएको छ ।
