Total views : 393264
काठमाडौं । पोखरामा रहेको प्राइम बहुउद्देश्यीय सहकारी संस्था लिमिटेडविरुद्ध उजुरी दिन जिल्ला प्रहरी कार्यालय कास्कीले आग्रह गरेको थियो ।
मंगलबार सूचना जारी गर्दै कास्की प्रहरीले पोखरा महानगरपालिका–४, गैह्रापाटनमा रहेको उक्त सहकारीबाट रकम फिर्ता नभएकालाई उजुरी दिन आग्रह गरेपछि सहकारी संस्था लिमिटेडका बचत कर्ताको रकम हिनामिना प्रकरणमा जिल्ला प्रहरी कार्यालय कास्कीले मंगलबार नै ८ जनालाई पक्राउ गरेको छ ।
सहकारीको १ अर्ब १५ लाख ८ हजार १ सय ४२ रुपैयाँ ५० पैसा रकम अपचलन तथा हिनामिना गरेको भन्ने सहकारी रजिष्ट्रारको कार्यालय पोखराको पत्र जाहेरीका आधारमा सहकारीका पूर्व र वर्तमान पदाधिकारी तथा कर्मचारी गरी ८ जनालाई कास्की प्रहरीले पक्राउ गरेको छ ।
सहकारी रजिस्ट्रारको कार्यालय गण्डकी प्रदेश पोखराले पत्र पठाइ मंगलबार सहकारी ऐन, २०७४ बमोजिम अनुन्धान गरी दिन अनुरोध गरेको पत्रको आधारमा जिल्ला प्रहरी कार्यालय कास्कीबाट खटिएको प्रहरी टोलीले ८ जनालाई पक्राउ गरेको हो ।
सहकारीविरुद्ध सहकारीमा रकम जम्मा गरेको आधार देखिने शेयरधनी प्रमाणपत्र, पासबुक, भौंचर, स्टेटमेन्ट, मुद्दती प्रमाण पत्र लगायत परिचय खुल्ने प्रमाणपत्रसहित प्रहरीले बचतकर्तालाई जेठ २० गते उजुरी दिन अनुरोध गरेको छ ।
