Total views : 355149
भक्तपुर । नेकपा (एमाले) भक्तपुर जिल्लाको ९ औं जिल्ला अधिवेशन भोलिबाट शुरु हुने भएको छ ।
नेकपा एमाले भक्तपुर जिल्ला कमिटीको ९ औं जिल्ला अधिवेशन मिति २०८१ जेठ ३ गते विहिबार (भोली) बाट सुरु हुदैछ । भक्तपुरको सल्लाघारी चुनदेविस्थित इम्पेरियल बैंक्वटमा पार्टिका केन्द्रिय अध्यक्ष क. केपि शर्मा ओलीको प्रमुख आतिथ्यतामा अधिवेशनको उद्धघाटन समारोह हुने नेकपा एमालेका जिल्ला अध्यक्ष वचन देउजाले जानकारी दिनुभयो ।
अधिवेशनको तयारी अन्तिम चरणमा पुगेको जानकारी दिदै ९ औं जिल्ला अधिवेशनलाई भव्यरुपमा सम्पन्न गर्न विभिन्न समितिहरु बनाएर काम गरिहेको बताउनुभयो ।
अधिवेशनमा सहभागी हुने प्रतिनिधिहरुको चयन कार्य सकिएको छ । जस अनुसार पार्टी विधानमा व्यवस्था भए अनुसार आयोजक कमिटी, सल्लाहकार कमिटी, भूगोल कमिटी, जनसंगठन र मनोनित सहित ४ सय ९८ जना प्रतिनिधिहरु चयन भएको बताउनुभयो । उद्धघाटन कार्यक्रम भव्य बनाउन भक्तपुरका दुई ठाउँमा पार्टीका नेता, कार्यकर्ता भेला भएर र्यालिसहित कार्यक्रम उद्धघाटन स्थलमा आउने कार्यक्रम रहेको समेत जानकारी दिनुभयो ।
