Total views : 401063
जन आवाज संवाददाता
भक्तपुर । राष्ट्रिय युवा प्रतिभा पुरस्कार २०८१ द्धारा मानव कल्याण समाजलाई सम्मान गरिएको छ । राष्ट्रिय युवा संघको ३५ औं स्थापना दिवसको उपलक्ष्यमा आयोजित विषेश समारोमा मानब कल्याण समाज मार्फत सडक आश्रित विभिन्न व्यक्तीहरुको गास बास र कपासको व्यवस्थापन तथा पारिवारिक पुर्नमिलनको काममा लाग्दै आउनु भएकी संस्थाको संस्थापक अध्यक्ष सुमित्रा चौलागाई सुमी मानवलाई राष्ट्रिय युवा प्रतिभा पुरस्कार २०८१ बाट सम्मानित गरिएको छ ।
आज राजधानीको राष्ट्रिय सभा गृहमा विशेष समारोहका बीच मानव कल्याण समाजलाई उत्साहवद्र्धनका साथ रु. ५१००० नगद सहित नेकपा एमालेका वरिष्ठ उपाध्यक्ष ईश्वर पोखरेल, नेकपा एमालेका नेता राष्ट्रिय युवा संघका संस्थापक अध्यक्ष महेश बस्नेतले सम्मान गर्नुभएको हो ।
राष्ट्रिय युवा प्रतिभा पुरस्कार २०८१ बाट सम्मानित सुमित्रा चौलागाई सुमी मानव बिगत लामो समय देखि सडकपेटि लगाएतका सार्वजनिक स्थानहरुमा जिवन बिताउँदै आएका बेसाहार व्यक्तीहरुलाई संस्थाद्धारा संचालित सेवा घरमा आश्रय दिदै आएकी छिन् ।
