Total views : 357747
काठमाडौं । क्रिकेटर सन्दीप लामिछानेले बलात्कार मुद्दामा उच्च अदालत, पाटनबाट सफाइ पाएका छन् ।
लामिछानेलाई जिल्ला अदालतले गत पुस १३ गते बलात्कार मुद्दामा दोषी ठहर गर्दै आठ वर्ष कैद सजाय र तीन लाख जरिवाना तिराएको थियो । साथै पीडितलाई दुई लाख क्षतिपूर्ति भराउन आदेश दिएको थियो ।
उच्च अदालत पुगेका लामिछानेले गत फागुन १० मा पुनरावेदनका लागि निवेदन समेत दिएको थिए । सजाय कम भएको भन्दै उच्च सरकारी वकीलको कार्यालय पनि उच्च अदालत पुगेको थियो । यस्तै उच्च सरकारी वकीलको कार्यालयले गत चैत २ मा पुनरावेदन गरेको थियो ।
आज दुवै निवेदनमाथि सुनुवाइ गर्दै उच्च अदालतले लामिछानेलाई सफाइ दिएको छ।
