Total views : 371047
काठमाडौं । केकि अधिकारी र गौरव पहारी अभिनितत चलचित्र ‘घिन्ताङ’को छायांकन सुरु भएको छ । पनौतीबाट यो चलचित्रको छायांकन सुरु गरिएको निर्माता तथा निर्देशक दीपक श्रेष्ठले जानकारी दिनुभएको छ । यो चलचित्रको छायांकन पाँच दिन अगाडि सुरु गरिएको र २० दिनको सेड्यूल राखेर काम अगाडि बढाइएको बताइएको छ ।
सो चलचित्रमा नायक गौरव पहारी, नायिका केकी अधिकारी, कलाकारहरु निर शाह, मदनकृष्ण श्रेष्ठ, रमेश अधिकारी, संगम भण्डारी र दीपाश्री निरौलाको मुख्य भूमिका रहेको छ । चलचित्रको छायांकन सुरु भएसँगै कलाकारद्धय गौरव र केकीको पहिलो लुक्स पनि बाहिरिएको छ । चलचित्रमा संकल्प भुजेलको छायांकन तथा दिपक शर्माको संगीत रहेको छ ।
सो चलचित्र निर्देशक दिपक श्रेष्ठका अनुसार ६० लाखको बजेटमा बनिरहेको जानकारी दिनुभयो । यो चलचित्रको छायांकन वैशाखबाट सुरु गर्ने तयारी गरिएता पनि कोभिडका कारण रोकिएको यो चलचित्र पनौतिपछि फर्पिङमा पनि छायांकन हुने बताइएको छ ।
