Total views : 378283
भक्तपुर । शैक्षिक सत्र २०८० को माध्यमिक शिक्षा परीक्षा चैत १५ गतेदेखि २७ गतेसम्म सञ्चालन भएको एसईईमा ५ लाख बढी परीक्षार्थी सहभागी भएका थिए ।
उक्त एसईई परीक्षाको नतिजा प्रकाशन अन्तिम चरणमा पुगेको राष्ट्रिय परीक्षा बोर्डकी सूचना अधिकारी देवी पराजुलीलेज जानकारी दिनुभयो ।
नतिजा प्रकाशन गर्नका लागि अधिकांश तयारी भइसकेको र अब अंकहरु ट्याली गर्ने लगायतका सामान्य कामहरु बाँकी रहेको उहाँले जानकारी दिनुभयो ।
बोर्डले यस वर्षको एसईई परीक्षा माध्यमिक शिक्षा पाठ्यक्रम २०७८ अनुसार सञ्चालन गरेको थियो । जसअन्र्तगत १०० पूर्णाङ्क भएको विषय उत्तीर्ण गर्न सैद्धान्तिकतर्फ मात्रै न्यूनतम ३५ अंक ल्याउनुपर्ने बताइएको छ ।
एसईई परीक्षाको नतिजा असारको १४ गते भित्रमा नतिजा प्रकाशन गर्ने गरी तयारी भएको बोर्डकी सूचना अधिकारी पराजुलीले बताउनुभयो ।
