Total views : 344283
काठमाडौं । काठमाडौं उपत्यका अपराध अनुसन्धान कार्यालयको टोलीले भक्तपुरको दधिकोटमा २ करोड रुपैयाँ लुटपाटमा संलग्न भएको आरोपमा चार जनालाई पक्राउ गरेको छ ।
पक्राउ पर्नेहरुमा भीम तामाङ, सुजन रसाइली, मुनाराज राई, कृष्णबहादुर बोहरा रहेका छन् । लुटपाटका मुख्य योजनाकार भनिएका व्यक्ति कुलबहादुर खत्री भने फरार फरार रहेको बताइएको छ । दधिकोटका डिल्ली राउतको घरमा असार ४ गते लुटपाट भएको थिया भने, मुख्य योजनाकार डिल्ली राउतका मामा भएको खुलेको छ ।
लुटपाटमा प्रहरी हवल्दार कृष्ण बहादुर बोहरा नेपाल प्रहरीको ‘सशस्त्र प्रहरी दुई नम्बर गण महाराजगन्जमा कार्यरत रहेको छन् । लुटपाटमा संलग्न एक जना भने फरार रहेको बताइएको छ ।
पक्राउ परेकाहरूले असार ४ गते सो रकम लुटपाट गरेको उजुरीपछि प्रहरीले अनुसन्धान अघि बढाएको थियो । प्रहरीका अनुसार अभियुक्तहरु आफूहरु सीआईबी भएको भन्दै राउतको घरभित्र प्रवेश गरेको बताइएको छ । त्यसपछि घरका सदस्यहरुलाई डरत्रास देखाउँदै उनीहरुले दराजमा रहेको २ करोड रुपैयाँ लुटेर भागेका हुन् ।
प्रहरीले आज पत्रकार सम्मेलन गरी उनीहरुलाई सार्वजनिक गरेको हो ।
